جواب : اسلام میں اس قسم کے وظائف کا کوئی ذکر نہیں ، یہ لوگوں کی خودساختہ بدعات ہیں۔  اپنے گھر میں برکت کے لئے کتاب اللہ کا بتایا ہوا طریقہ اپنائیں۔ سب سے پہلےاپنے ایمان کو کفر و شرک سے مکمل پاک کریں۔ ہر قسم کی بدعات سے دور ہوں۔ قرآن مجید کو معنیٰ کیساتھ پڑھیں ، پنج وقتہ صلوٰۃ کا اہتمام کریں۔ فسق و فجو رسے دور رہیں اور گھر میں اسلامی  اقدار نافذ کریں ، ان شاء اللہ دنیا میں برکت  آئے گی اور آخرت  میں جنت کے حقدار ٹھہریں گے۔

پیری مریدی جس کا اسلام میں کوئی تصور نہیں ، یہ ساری خرافات وہاں سے  ہی شروع ہوئی ہیں۔ پیر صاحب اپنی قابلیت اور علم کی دھاک بٹھانے کے لئے اس قسم کے خود ساختہ وظائف بناتے اور اس کی تبلیغ کرتے ہیں۔نبی ﷺ اور صحابہ ؓ سے زیادہ دین کا جاننے والا  اور کون ہو سکتا ہے، لیکن اس دور میں اس قسم کی باتوں کا کوئی وجود نہیں ملتا۔