لا الٰہ الا اللہ محمد رسول اللہ

’’ اسلام کی بنیاد پانچ چیزوں پر ہے۔اس بات کی گواہی کہ کوئی نہیں ہے معبود سوائے اللہ کے اور محمد ﷺ اللہ کے رسول ہیں، اور صلاۃ قائم کرنا،اور زکواۃ دینا ، اور حج اور ماہ رمضان کے صوم‘‘۔

’’اور اگر تم پوچھو ان سے کہ کس نے پیدا کیا ہے آسمانوں کو اور زمین کو تو وہ ضرور کہیں گے کہ اللہ نے۔ کہو ! ” الحمد للہ “۔ اصل بات یہ ہے کہ ان کی اکثریت بےسمجھ ہے۔‘‘

اور اگر پوچھو تم ان سے کہ کس نے پیدا کیا ہے آسمانوں کو اور زمین کو تو یہ ضرور جواب دیں گے کہ پیدا کیا ہے انہیں اس نے جو زبردست ہے اور سب کچھ جاننے والا ہے۔

’’(ان سے) پوچھو کون رزق دیتا ہے تم کو آسمان سے اور زمین سے یا کون مالک ہے تمہارے سننے اور دیکھنے (کی قوتوں) کا اور کون نکالتا ہے جاندار کو بےجان سے اور (کون) نکالتا ہے بےجان کو جاندار سے اور کون انتظام کرتا ہے تمام امور کا ؟ تو وہ ضرور کہیں گے۔ اللہ۔ سو کہو ! پھر تم کیوں نہیں ڈرتے ؟۔‘‘

’’ ان سے پوچھو کس کی ہے یہ زمین اور جو بستے ہیں اس میں اگر تم جانتے ہو ؟تو وہ ضرور کہیں گے اللہ کی۔ کہو پھر تم سوچتے کیوں نہیں ؟ان سے پوچھو کون ہے مالک سات آسمانوں کا اور مالک ہے عرش عظیم کا ؟وہ ضرور کہیں گے، اللہ۔ کہو پھر، تم کیوں نہیں ڈرتے ؟ ان سے پوچھو کون ہے وہ جس کے ہاتھ میں ہے اقتدار ہر چیز کا اور وہ پناہ دیتا ہے اور کوئی پناہ نہیں دے سکتا اس کے مقابلے میں اگر تم جانتے ہو ؟ وہ ضرور کہیں گے کہ اللہ۔ کہو پھر کہاں سے دھوکہ کھا رہے ہو تم ؟

’’ اور اگر پوچھو تم ان سے کہ کس نے پیدا کیا ہے آسمانوں کو اور زمین کو اور مسخّر کر رکھا ہے سورج کو اور چاند کو، تو ضرور کہیں گے وہ، اللہ نے۔ پھر یہ کہاں بہکے جا رہے ہیں ؟ اللہ ہی کشادہ کرتا ہے رزق جس کے لیے چاہے اپنے بندوں میں سے اور تنگ کرتا ہے جس کے لیے (چاہے) یقیناً اللہ ہر بات سے پوری طرح باخبر ہے۔ اور اگر پوچھو تم ان سے کہ کون برساتا ہے آسمان سے پانی پھر زندہ کرتا ہے اس کے ذریعہ سے زمین کو اس کے مردہ ہوجانے کے بعد، تو ضرور کہیں گے کہ اللہ۔ کہہ دیجیے ” الحمد للہ ” مگر اکثر ان میں سے سمجھتے نہیں ہیں۔‘‘

’’اور جب انہوں نے کہا اے اللہ ! اگر ہے یہ قرآن ہی حق تیری طر ف سےتو ہم پر آسمان سے پتھر برسا یا یا لے آ ہم پر کوئی درناک عذاب‘‘۔

’’کہو (اُن سے) ذرا غور کر کے بتاؤ : اگر آجائے تم پر عذاب اللہ کا یا آئے تم پر قیامت تو کیا اللہ کے سوا (کسی اور کو) پکارو گے تم ؟ اگر تم سچے ہو ، بلکہ (ایسے مواقع پر) تم اسی کو پکارتے ہو پھر دور کردیتا ہے وہ اس مصیبت کو جس کے لیے پکارتے ہو تم اسے اور اگر وہ چاہتا ہے۔ اور بھول جاتے ہو تم انہیں جن کو شریک ٹھہراتے ہو (اس کا) ۔

’’پوچھو (ان سے) ! کون بچاتا ہے تم کو صحرا اور سمندر کی تاریکیوں سے جب تم پکارتے ہو اس کو گڑ گڑا کر اور چپکے چپکے کہ اگر بچالے وہ ہم کو، اس بلا سے تو ہم ضرور ہوں گے شکر گزار۔ کہہ دو ! اللہ ہی نجات دیتا ہے تم کو اس سے اور ہر تکلیف سے پھر بھی تم شرک کرتے ہو‘‘۔

’’وہی تو ہے جس نے پیدا کیا تم کو ایک جان سے اور بنایا اسی میں سے اس کا جوڑا تاکہ سکون حاصل کرے وہ اس کے پاس۔ پھر جب ڈھانک لیا مرد نے عورت کو تو اٹھا لیا اس نے ہلکا سا بوجھ پھر وہ لیے پھری اسے پھر جب وہ بوجھل ہوگئی تو دونوں نے دعا کی اللہ سے جو ان کا رب ہے کہ اگر عطا فرمائے تو ہمیں اچھّا اور سالم بچّہ تو ضرور ہوں گے ہم تیرے شکر گزار۔ پھر جب دیا اللہ نے ان دونوں کو صحیح وسالم بچّہ تو ٹھہرانے لگے وہ اللہ کے شریک (دوسروں کو) اس نعمت میں جو عطا کی تھی ان کو اللہ نے پس بلندو برتر ہے اللہ کی ذات ان سے جن کو یہ اس کا شریک ٹھہراتے ہیں‘‘۔

’’اور جو تمہیں حاصل ہےہر کسی قسم کی نعمت سو وہ اللہ ہی کی عطا کردہ ہے پھر جب پہنچتی ہے تمہیں تکلیف تو اسی کے آگے فریاد کرتے ہو۔ پھر جب دور کرتا ہے وہ تکلیف تم سے تو یکایک ایک گروہ تم میں سے اپنے رب کے ساتھ شرک کرنے لگتا ہے‘‘۔

’’ابوذر ؓ نے فرمایا اے بھیجتے میں نبیﷺکی بعثت سے دو سال پہلےصلاۃ ( نماز ) ادا کیا کرتا تھا میں نے کہا تو اپنا رخ کس طرف کرتا تھا انہوں نے کہا جہاں اللہ تعالیٰ میرا رخ فرما دیا کرتے‘‘۔

’’عائشہ ؓ فرماتی ہیں کہ جاہلیت کے زمانہ میں قریشی لوگ عاشورہ کے دن صوم رکھنے کا حکم فرمایا کرتے تھے تو جب رمضان کےصوم فرض ہوگئے تو (نبی ﷺ نے ارشاد فرمایا) جو چاہے عاشورہ کے دن صوم رکھے اور جو چاہے چھوڑ دے۔‘‘

’’ حکیم بن حزام ؓ کہتے ہیں کہ میں نے اللہ کے رسول ﷺ سے عرض کیا کہ اے اللہ کے رسول آپ ان کاموں کے بارے میں کیا فرماتے ہیں کہ جو میں نے جاہلیت کے زمانے میں ( یعنی اسلام لانے سے پہلے) مثلا صدقہ و خیرات یا غلام آزاد کرنا یا رشتہ داروں سے اچھا سلوک کرنے کےتھے ان کاموں میں مجھے اجر ملے گا ؟ رسول اللہ ﷺنے فرمایا کہ تم اسی نیکی پر اسلام لائے جو تم پہلے کرچکے ہو۔

’’عائشہ ؓ فرماتی ہیں کہ میں نے عرض کیا اے اللہ کے رسول ﷺ ابن جدعان زمانہ جاہلیت میں اسلام سے قبل حالت کفر میں صلہ رحمی کرتا تھا مسکینوں کو کھانا کھلاتا تھا تو کیا اس سے اس کو فائدہ ہوگا ؟نبی ﷺنے فرمایا یہ کام اسے کوئی فائدہ نہ دیں گے کیونکہ اس نے کبھی یہ نہیں کہا رَبِّ اغْفِرْ لِي خَطِيئَتِي يَوْمَ الدِّينِ یعنی اے میرے پروردگار قیامت کے دن میرے گناہوں کو معاف فرما دینا۔

’’عمرؓ نے پوچھا کہ میں نے جاہلیت کے زمانہ میں نذر مانی تھی کہ ایک رات مسجد حرام میں اعتکاف کروں گا، نبی ﷺ نے فرمایا کہ اپنی نذر کو پورا کرو‘‘۔

’’ابن عباس ؓ سے روایت ہے وہ فرماتے ہیں کہ زمانہ جاہلیت میں لوگوں کا عقیدہ یہ تھا کہ اشہر حج میں عمرہ کرنا دنیا میں بڑا گناہ ہے، نیز وہ ماہ محرم کو صفر کہتے تھے اور کہا کرتے تھے کہ جب اونٹ کا زخم اچھا ہوجائے اور نشان مٹ جائے تو عمرہ کرنے والے کے لئے عمرہ درست ہوجاتا ہے‘‘۔

’’ابن عباس ؓ سے روایت ہے  کہ لات اس شخص ِکا نام ہے جو حاجیوں کے لئے ستو گھولتا تھا‘‘۔

’’ابن عباس ؓ سے روایت ہے فرماتے ہیں کہ مشرکین کہتے تھےلبیک لا شریک لک ( اے اللہ میں حاضر ہوں تیرا کوئی شریک نہیں۔ تو رسول ﷺ ارشاد فرماتے ہلاکت ہو تمہارے لئے اس سے آگے نہ کہو مگر مشرکین کہتے: مگر وہ شریک ہیں جس کا مالک تو ہی ہے وہ مالک نہیں، یہ کہتے اور بیت اللہ کا طواف کرتے۔

’’ اور اللہ کے علاوہ ان کی بندگی کرتے ہیں جو نہ انہیں کوئی نقصان دے سکتے ہیں نہ ہی کوئی فائدہ، اور کہتے ہیں کہ یہ ہمارے سفارشی ہیں اللہ کے پاس، (ان سے ) کہدو کہ کیا تم اللہ کو ایسی خبر دیتے ہو جو وہ نہیں جانتا آسمانوں اور نہ ہی زمین میں، پاک ہے وہ اور بلند ہے ان کے اس شرک سے جو یہ کرتے ہیں ‘‘۔

’’ خبردار اللہ ہی کے لئے ہے خالص دین ، اور جن لوگوں نے اللہ کے سوا دوسرے اولیاء بنا رکھے ہیں ( کہتے ہیں ): ہم ان کی عبادت نہیں کرتے مگر اس لئے کہ یہ ہمیں اللہ کے قریب کردیں ۔ ۔ ۔ ‘‘

’’ اور کہنے لگے ، مت چھوڑنا اپنے معبودوں کو ، اور مت چھوڑنا ود،سواع، یغوث، یعوق اور نسر کو ‘‘

’’ابن عباس ؓ سے روایت ہے  کہ وہ بت جو قوم نوح میں تھے وہی عرب میں اس کے بعد پوجے جانے لگے ” ود ” قوم کلب کا بت تھا جو دومتہ الجندل میں تھا اور ” سواع ” ہذیل کا اور ” یغوث ” مراد کا پھر بنی عطیف کا سبا کے پاس جوف میں تھا اور ” یعوق ‘‘ ہمدان کا اور ” نسر‘‘ حمیر کا ” جوذی‘‘  الکلاع کے خاندان سے تھا ۔یہ قوم نوح (علیہ السلام) کے نیک لوگوں کے نام تھے جب ان نیک لوگوں نے وفات پائی تو شیطان نے ان کی قوم کے دل میں یہ بات ڈال دی کہ ان کے بیٹھنے کی جگہ میں جہاں وہ بیٹھا کرتے تھے بت نصب کردیں اور اس کا نام ان (بزرگوں) کے نام پر رکھ دیں چناچہ ان لوگوں نے ایسا ہی کیا لیکن اس کی عبادت نہیں کی تھی یہاں تک کہ جب وہ ( باقی) لوگ بھی مرگئے اور اس کا علم جاتا رہا تو اس کی عبادت کی جانے لگی‘‘۔

’’ کہ جب نبیﷺ جب کعبہ کے پاس آئے تو اندر جانے سے انکار کردیا اور اس میں بت رکھے ہوئے تھے۔ ان کے نکالنے کا حکم دیا، چناچہ وہ نکال دئیے گئے۔ لوگوں نے ابراہیم (علیہ السلام) اور اسماعیل (علیہ السلام) کے بت بھی نکال دئیے کہ ان دونوں کے ہاتھ میں پانسے تھے۔ رسول اللہ ﷺنے فرمایا۔ اللہ تعالیٰ ان مشرکوں کو برباد کرے، واللہ وہ لوگ جانتے ہیں ان دونوں نے کبھی پانسے نہیں پھینکے، پھر خانہ کعبہ میں داخل ہوئے اور اس کے اطراف (کونوں) میں تکبیر کہی اورصلاۃ نہیں ادا کی‘‘۔

’’ابن عباس ؓسے روایت ہے  کہ نبی ﷺ کعبہ میں داخل ہوئے تو وہاں ابراہیم اور مریم صدیقہ کی تصویریں دیکھیں تو نبی ﷺ نے فرمایا کہ قریش کو کیا ہوگیا حالانکہ وہ سن چکے تھے کہ فرشتے ایسے گھر میں داخل نہیں ہوتے جہاں کوئی تصویر ہو یہ ابراہیم کی تصویر بنائی گئی پھر وہ بھی پانسہ پھینکتے ہوئے‘‘۔

’’ابن عباس ؓ سے روایت ہے کہ لات اس شخص ِکا نام ہے جو حاجیوں کے لئے ستو گھولتا تھا‘‘۔

’’اللہ کی لعنت ہو یہود و نصاریٰ پر کہ انہوں نے اپنے نبیوں کی قبروں کو عبادت گاہ بنالیا ،اور ان لوگوں نے جو کیا اس سے (اپنی امت) کو ڈراتے تھے‘‘۔

’’خبردار، کہ تم سے پہلے لوگوں نے اپنے نبیوں اور نیک لوگوں کی قبروں کوعبادت گاہ بنا لیا تھا تم قبروں کو عبادت گاہ نہ بنانا میں تمہیں اس سے روکتا ہوں‘‘۔

’’ بے شک جو لوگ پکارتے ہیں اللہ کے علاوہ بندے ہیں تمہارے ہی جیسے ، پکارو انہیں یہ ضرور جواب دیں گے اگر تم سچے ہو‘‘۔

’’اور نہیں ایمان لاتے ان میں اکثر اللہ پر مگر اس طرح کہ وہ (اس کے ساتھ دوسروں کو) شریک ٹھہراتے ہیں‘‘۔

’’ وہ لوگ جو ایمان لائے پھر اپنے ایمان کو ظلم (شرک) سے آلودہ نہیں کیا۔ انہی کے لیے امن و سلامتی ہے اور یہی لوگ راہ راست پر ہیں‘‘۔

’’ ۔ ۔ ۔ابوسفیان نے تین مرتبہ کہا کہ کیا تم میں ابن ابی قحافہ ہیں ؟ (یعنی ابو بکر صدیق ؓ اور پھر تین مرتبہ کہا کہ تم میں عمر بن الخطاب ہیں ؟ اور پھر اس کے بعد اپنے ساتھیوں سے مخاطب ہو کر کہنے لگا کہ یہ تو سب مارے گئے جس پرعمر ؓاپنے آپ کو نہ روک سکے اور کہا کہ’’ اے اللہ کے دشمن اللہ کی قسم جن لوگوں کا تو نے نام لیا ہے وہ سب زندہ ہیں اور جس بات سے تم رنجیدہ ہو وہ برقرار ہے‘‘، ابوسفیان نے کہا آج بدر کے دن کا بدلہ نکل گیا اور لڑائی تو ڈول کی طرح ہے تم اپنے لوگوں میں سے بعض کے ناک کان کٹے پاؤ گے جس کا میں نے کوئی حکم نہیں دیا اور یہ بات مجھے ناگوار بھی معلوم نہیں ہوئی اس کے بعد ابوسفیان رجز پڑھنے لگا کہ’’ اے ہبل بلند ہوجا اے ہبل اونچا ہوجا ‘‘جس پرنبی ﷺ نے فرمایا کہ تم لوگ جواب کیوں نہیں دیتے صحابہ ؓ نے پوچھا یا رسول اللہ ہم کیا کہیں؟ فرمایا : ’’کہو اللہ ہی سب سے زیادہ بلند اور بزرگ موجود ہے ‘‘،جس پر ابوسفیان نے کہا’’ ہمارے پاس عزیٰ ہے اور تمہارے لئے عزیٰ نہیں ہے‘‘ تو پھر رسول اللہ ﷺ نے اصحاب سے کہا تم اس کا جواب کیوں نہیں دیتے ؟انہوں نے عرض کیا یا رسول اللہ ہم کیا کہیں آپ نے فرمایا کہ کہو اللَّهُ مَوْلاَنَا، وَلاَ مَوْلَى لَكُمْ ’’اللہ ہمارا مددگار ہے اور تمہارا مددگار و معاون نہیں ہے‘‘۔

’’ پوچھو کس کی گواہی سب سے بڑھ کر ہے ؟ کہو ! اللہ گواہ ہے میرے اور تمہارے درمیان اور وحی کیا گیا ہے میری طرف یہ قرآن تاکہ متنبہ کروں تمہیں اس سے اور ہر اس شخص کو جس تک یہ پہنچے، کیا تم گواہی دیتے ہو کہ اللہ کے ساتھ ہیں معبود اور بھی ؟ کہہ دو ! کہ نہیں دیتا میں ایسی گواہی، کہدو کہ صحیح بات یہی ہے کہ وہی ہے معبود یکتا اور بیشک میں بیزار ہوں اس شرک سے جس میں تم مبتلا ہو‘‘۔

’’یہی اللہ تمہارارب ہے جو ہر چیز کا پیدا کرنے والا ہے، اس کے سوا کوئی الہ نہیں پھر تم کہاں بھٹک رہے ہو‘‘۔

’’(اے محمد) کہہ دو : اے انسانو ! بیشک میں رسول ہوں اللہ کا، بھیجا گیا تم سب کی طرف (اللہ وہ ہے) جسے زیب دیتی ہے بادشاہی آسمانوں کی اور زمین کی۔ نہیں ہے کوئی معبود ( الٰہ ) سوائے اس کے، وہ زندگی بخشتا ہے اور موت دیتا ہے۔ پس ایمان لاؤ اللہ پر اور اس کے رسول نبی اُمّی پر وہ جو خود بھی ایمان رکھتا ہے اللہ پر اور اس کے کلام پر اور پیروی کرو اس کی، تاکہ تم ہدایت پاؤ۔‘‘

’’  اس کےسواکوئی الہ نہیں (وہی)زندہ کرتا ہےاور(وہی)موت دیتاہے۔وہی تمہارااورتمہارےباپ داداکا رب ہے۔

’’وہ زندہ و جاوید ہے (جسے موت نہیں) اس  اس  کو پکارو  دین کو خالص کرکے ۔تمام تعریفیں اور شکر اللہ رب العالمین کے لیے ہے ‘‘۔

’’بےشک میں ہی اللہ ہوں، میرے علاوہ کوئی الہ نہیں، تو میری عبادت کرو اور میری یاد کے لئے صلاۃ قائم کیا کرو‘‘۔

’’مشرق اور مغرب کا مالک (ہے اور) اس کے سوا کوئی الہ نہیں تو اسی کو اپنا کارساز بناؤ‘‘۔

’’ اے انسانو ! یاد کرو اللہ کی نعمتوں کو جو تم پر کیں، کیا اس کے علاوہ کوئی ایسا خالق ہے جو تمہیں رزق دے آسمانوں اور زمین سے، کوئی نہیں ہے الٰہ سوائے اس کے، پھر تم کہاں سے دھوکہ کھا رہے ہو ‘‘۔

’’اسی طرح رسول بنا کر بھیجا ہے ہم نے تم کو ایک ایسی قوم میں کہ گزر چکی ہیں اس سے پہلے بہت سی قومیں، تاکہ پڑھ کر سُناؤ تم انہیں وہ (پیغام) جو وحی کیا ہے ہم نے تمہاری طرف حالانکہ وہ انکار کرتے ہیں رحمٰن کا۔ کہہ دو ! وہی میرا رب ہے، نہیں ہے کوئی معبود ( الٰہ ) اس کے سِوا، اسی پر میرا بھروسہ ہے اور وہی میرا ملجا و ماویٰ ہے۔

’’تمہارالٰہ  وہی اللہ ہے جس کے سوا کوئی الہ نہیں، اس کا علم ہر چیز پر محیط ہے‘‘۔

’’وہی اللہ ہےجسکےسواکوئی الہ نہیں پوشیدہ اورظاہرکاجاننےوالاہے۔وہی بڑا مہربان اور رحم کرنے والا ہے‘‘۔

’’بھلا کس نے آسمانوں اور زمین کو پیدا کیا اور (کس نے) تمہارے لئے آسمان سے پانی برسایا۔ (ہم نے) پھر ہم ہی نے اس سے سرسبز باغ اگائے۔ تمہارا کام تو نہ تھا کہ تم ان کے درختوں کو اگاتے۔ تو کیا اللہ کے ساتھ کوئی اور بھی الٰہ ہے، بلکہ قوم ہی نا انصافی کرنے والی ہے‘‘۔

’’بھلا کس نے زمین کو قرار گاہ بنایا اور اس کے بیچ نہریں بنائیں اور اس کے لئے پہاڑ بنائے اور (کس نے) دو دریاؤں کے بیچ اوٹ بنائی (یہ سب کچھ اللہ نے بنایا) تو کیا اللہ کے ساتھ کوئی اورالٰہ بھی ہے؟ (ہرگز نہیں) بلکہ ان میں اکثرلوگ جانتے ہی نہیں‘‘۔

’’بھلا کون بے قرار کی التجا قبول کرتا ہے۔ جب وہ اس سے دعا کرتا ہے اور (کون اس کی) تکلیف کو دور کرتا ہے اور (کون) تم کو زمین میں (اگلوں کا) جانشین بناتا ہے (یہ سب کچھ اللہ کرتا ہے) تو کیا اللہ کے ساتھ کوئی اور معبود بھی ہے؟ (ہرگز نہیں مگر) تم بہت کم غور کرتے ہو‘‘۔

’’بھلا کون تم کو جنگل اور دریا کے اندھیروں میں راستہ بتاتا ہے اور (کون) ہواؤں کو اپنی رحمت کے آگے خوشخبری بناکر بھیجتا ہے (یہ سب کچھ اللہ کرتا ہے) تو کیا اللہ کے ساتھ کوئی اور معبود بھی ہے؟ (ہرگز نہیں)۔ (یہ لوگ) جو شرک کرتے ہیں اللہ (کی شان) اس سے بلند ہے’’۔

’’بھلا کون خلقت کو پہلی بار پیدا کرتا۔ پھر اس کو بار بار پیدا کرتا رہتا ہے اور (کون) تم کو آسمان اور زمین سے رزق دیتا ہے (یہ سب کچھ اللہ کرتا ہے) تو کیا اللہ کے ساتھ کوئی اور معبود بھی ہے؟ (ہرگز نہیں) کہہ دو کہ (مشرکوں) اگر تم سچے ہو تو دلیل پیش کرو‘‘۔

’’ دین میں کوئی زبردستی نہیں ہے، ہدایت گمراہی سے علیحدہ اور خوب واضح ہوگئی، اب جو طاغوت کا کفر کرے اور اللہ پر ایمان لائے اس نے وہ مضبوط حلقہ تھا م لیا جو کبھی نہ ٹوٹے گا، اللہ سننے اور جاننے والا ہے۔‘‘

’’اور نہیں ایمان لاتے ان میں اکثر اللہ پر مگر اس طرح کہ وہ (اس کے ساتھ دوسروں کو) شریک ٹھہراتے ہیں‘‘۔

’’ اور اگر تمہیں شک ہے اس چیز پر جو ہم نے نازل کی ہے اپنے بندے پر تو ( تم )لے آو اس جیسی کوئی سورہ ۔ ۔ ۔ ‘‘

’’پاک ہے وہ ذات جو لے گئی اپنے بندے کو راتوں رات مسجد حرام سے مسجد اقصیٰ تک۔ ۔ ۔ ‘‘

’’سب تعریف اللہ ہی کے لیے ہے جس نے نازل فرمائی اپنے بندے پر یہ کتاب اور نہیں رکھی اس میں کوئی کجی‘‘۔

’’(اس وقت وہ بچّہ ) بول اٹھا : بیشک میں بندہ ہوں اللہ کا۔ عطا کی ہے اس نے مجھے کتاب اور بنایا ہے مجھے نبی‘‘۔

’’وہ (عیسی بن مریم) محض ایک بندہ تھا جس پر ہم نے انعام کیا اور بنی اسرائیل کے لیے اس کو ایک نمونہ قدرت بنایا تھا‘‘۔

’’نہیں زیب دیتا کسی انسان کو، جسے دی ہو اللہ نے کتاب و حکمت اور نبوّت، پھر وہ کہے لوگوں سے کہ بن جاؤ تم میرے بندے اللہ کو چھوڑ کر بلکہ (وہ تو یہی کہے گا) کہ بن جاؤ تم اللہ والے کیونکہ تم تعلیم دیتے ہو کتاب الہٰی کی اور اس بنا پر بھی کہ تم پڑھتے ہو خود بھی (اللہ کی کتاب) ‘‘۔

’’کیا ہے، لوگوں کے لیے باعث تعجب ؟ یہ (بات) کہ وحی بھیجی ہم نے ایک آدمی کی طرف انہی میں سے کہ خبردار کرو لوگوں کو اور خوشخبری دو ان لوگوں کو جو ایمان لائے ہیں، کہ ہے ان کے لیے عزّت و سرفرازی سچی، پاس ان کے رب کے۔ کہا کافروں نے کہ بیشک یہ کھلا جادو گر ہے‘‘۔

’’اور بیشک بھیجے ہیں ہم نے بہت سے رسول تم سے پہلے اور بنایا تھا ہم نے انہیں بیوی بچّوں (والا) اور نہیں ہے طاقت کسی رسول کی کہ لا دکھائے کوئی نشانی (از خود) بغیر اللہ کے اذن کے۔ ہر دور کے لیے ہے ایک کتاب‘‘۔

’’ کہا ! ان سے ان کے رسولوں نے کہ واقعی نہیں ہیں ہم مگر آدمی تمہاری طرح کے، لیکن اللہ نوازتا ہے جس کو چاہے اپنے بندوں میں سے اور نہیں ہے اختیار میں ہمارے کہ لا دیں تمہیں کوئی سند مگر اللہ کے اذن سے۔ اور اللہ ہی پر چاہیے کہ بھروسہ کریں اہل ایمان‘‘۔

’’اور (یاد کرو وہ وقت) جب کہا تھا تیرے رب نے فرشتوں سے بیشک میں بنانے والا ہوں آدمی، کھنکھناتے، سڑے ہُوئے گارے سے‘‘۔

’’یا (جب تک نہ) ہو تمہارے لیے گھر سونے کا یا (نہ) چڑھ جاؤ تم آسمان پر۔ اور ہرگز نہیں یقین کریں گے ہم تمہارے چڑھنے کا بھی جب تک کہ (نہ) اتارو تم ہم پر ایک تحریر جسے ہم پڑھیں خود۔ کہہ دیجیے پاک ہے میرا رب نہیں ہوں میں مگر ایک بشر (اللہ کا) پیغام پہنچانے والا۔

’’ کہہ دیجیے (اے نبی) کہ درحقیقت میں بھی ایک بشر ہوں تم ہی جیسا، وحی کی جاتی ہے میری طرف یہ حقیقت کہ بس تمہارا معبود تو الٰہِ واحد ہے سو جو شخص ہے امیدوار اپنے رب سے ملاقات کا اسے چاہیے کہ کرے کام اچھے اور نہ شریک بنائے اپنے رب کی عبادت میں کسی کو‘‘۔

’’اورنہیں بنائے تھے ہم نے ان کے ( ایسے ) جسم کہ کھانا نہ کھاتے ہوں اور نہ تھے وہ ہمیشہ رہنے والے‘‘۔

’’اور نہیں بھیجا ہم نے تم سے پہلے کوئی رسول مگر وہ سب کھاتے تھے کھانا اور چلتے پھرتے تھے بازاروں میں۔ اور بنایا ہے ہم نے تم کو ایک دوسرے کے لیے آزمائش کہ کیا تم ثابت قدم رہتے ہو ؟ اور تیرا رب سب کچھ دیکھ رہا ہے۔

’’اے نبی (ﷺ) ان سے کہیے کہ بس میں تو ایک بشر ہوں تم جیسا بتایا جاتا ہے بذریعہ وحی مجھے کہ بس تمہارا معبود ایسا معبود ہے جو ایک ہی ہے۔ سو سیدھے رکھو اپنے رخ، اسی کی طرف اور معافی چاہو اس سے۔ سو ہلاکت ہے مشرکوں کے لیے‘‘۔

’’اور نہیں ہے یہ مقام کسی بشر کا کہ بات کرے اس سے اللہ مگر وحی کے ذریعہ سے یا پردے کے پیچھے سے یا وہ بھیجتا ہے پیامبر (فرشتہ) پس وہ وحی کرتا ہے اللہ کے اذن سے جو کچھ اللہ چاہتا ہے۔ بلاشبہ وہ ہے برتر اور بڑی حکمت والا‘‘۔

’’وہ وہی ہے جس نے اِن بے پڑھے لکھوں میں ان ہی میں سے ایک ایسا رسول بھیجا جو کہ پڑھ پڑھ کر سناتا (سمجھاتا) ہے ان کو اس کی آیتیں اور وہ سنوارتا (نکھارتا) ہے ان کو اور سکھاتا (پڑھاتا) ہے ان کو کتاب و حکمت، جب کہ یہ لوگ اس سے قبل یقینا کھلی گمراہی میں تھے ‘‘۔

“کیا تم اسوقت حاضر تھے جب یعقوب کو موت آئی “۔

“پھر جب سلیمان ؑ پر ہم نے موت کا فیصلہ نافذ کیا تو جنوں کو اسکی موت کا پتہ دینے والی کوئی چیز اس گھن کے سوا نہ تھی جو ان کے عصاکو کھاتا رہا۔ آخر جب وہ گر پڑے تو جنوں پر یہ بات کھلی کہ اگر وہ غیب جاننے والے ہوتے تو اتنا عرصہ ذلت کے عذاب میں مبتلا نہ رہتے”۔

“(اے رب ) تو ہی میرا کارساز ہے دنیا و آخرت میں ،مجھے اسلام کی حالت میں وفات دےاور داخل کردے صالحین میں”۔

” اور یقیناً تمہارے پاس اس سے قبل یوسف نشانیاں لیکر آئے تھے، مگر تم اس بارے میں شک ہی میں رہے جو تمہارے پاس آیا یہاں تک کہ وہ وفات پاگئے ۔ ۔ ۔ ۔ ۔ “۔

“اور جو مجھے موت دے گا(اور )پھر ( قیامت کے دن ) زندہ کرے گا “۔

“اور سلامتی ہو ان پر جس دن وہ پیدا ہوئے اور جس دن ان کی وفات ہوئی اور جس دن وہ زندہ کرکے اٹھائے جائیں گے”

“اور سلامتی ہو مجھ پر جس دن میں پیدا ہو اجس دن میں وفات پاؤں گا اور جس دن میں زندہ کرکے اٹھایا جاؤں گا”۔

(اے محمد ؑ ) ہم نے تم سے پہلے بھی کسی انسان کے لیے ہمیشگی نہیں رکھی ، اگر تم فوت ہو گئے تو کیا یہ لوگ ہمیشہ زندہ رہیں گے”۔

(اے محمد ؑ) تم کو بھی مرنا ہے اور ان کو مرنا ہے”۔

محمد ؑ محض ایک رسول ہیں ، ان سے پہلے بھی بہت سے رسول گزرے ہیں، اگر یہ فوت ہو جائیں یا شہید کر دیئے جائیں تو کیا تم الٹے پھرجاؤ گے ، اور جو بھی الٹے پاؤں پھر گیا تو وہ اللہ کوکچھ نقصا ن نہیں پہنچا سکتا اور اللہ اپنے شکر گزار بندوں کو ضرور اجر دے گا”۔

’’اور یقیناً ہم نے بھیجا ہر اُمّت میں ایک رسول کہ عبادت کرو اللہ کی اور اجتناب کرو طاغوت (کی بندگی) سے۔ پس ان میں سے کچھ ایسے تھے جن کو ہدایت دی اللہ نے اور انہی میں سے کچھ ایسے تھے جن پر مسلّط ہوگئی گمراہی۔ سو چلو پھرو زمین میں پھر دیکھو کیا ہوا انجام جھٹلانے والوں کا‘‘۔

’’بلاشبہ ہم نے بھیجا نوح کو اس کی قوم کی طرف تو اس نے کہا اے میری قوم عبادت کرو اللہ کی نہیں ہے تمہارے لیے کوئی اور معبود ( الٰہ ) اس کے سوا ،بیشک میں ڈرتا ہوں تم پر بڑے دن کے عذاب سے‘‘۔

’’اور قوم عاد کی طرف ان کے بھائی ہود کو (بھیجا) اس نے کہا اے میری قوم ! صرف اللہ کی عبادت کرو نہیں ہے تمہارے لیے کوئی معبود اس کے علاوہ تو کیا تم ڈرتے نہیں‘‘۔

’’اور قوم ثمود کی طرف ان کے بھائی صالح کو اس نے کہا اے میری قوم ! عبادت کرو اللہ کی نہیں تمہارے لیے کوئی معبود اس کے سوا ۔ ۔ ‘‘۔

’’اور مدین کی طرف ان کے بھائی شعیب کو بھیجا اس نے کہا اے میری قوم ! عبادت کرو اللہ کی نہیں ہے تمہارے لیے کوئی معبود اس کے علاوہ ۔ ‘‘

’’اور ( اے محمد ؐ ) نہیں ہم نے بھیجا آپ سے پہلے کوئی رسول مگر ہم وحی کرتے تھے اس کی طرف کہ بیشک یہ حقیقت ہے کہ نہیں کوئی معبود مگر میں ہی ، سو تم میری عبادت کرو ‘‘۔

’’اور (ہم نے بھیجا) ابراہیم (علیہ السلام) کو جب اس نے کہا اپنی قوم سے تم عبادت کرو اللہ کی اور اس سے ڈرو، یہی بہتر ہے تمہارے لیے اگر ہو تم جانتے‘‘۔

’’آپ کہہ دیجیے بیشک میں روک دیا گیا ہوں کہ میں عبادت کروں (ان کی ) جنہیں تم پکارتے ہو اللہ کےعلاوہ جب کہ آگئیں میرے پاس واضح دلیلیں میرے رب کی طرف سے اور میں حکم دیا گیا ہوں کہ میں فرمانبردار ہوجاؤں تمام جہانوں کے رب کا‘‘۔

’’وہ وہی ہے جس نے اِن امیوں میں ان ہی میں سے ایک ایسا رسول بھیجا جو کہ انہیں اللہ کی آیات پڑھ پڑھ کر سناتا (سمجھاتا) ہے ،اور وہ سنوارتا (نکھارتا) ہے ان کو اور سکھاتا (پڑھاتا) ہے ان کو کتاب و حکمت، جب کہ یہ لوگ اس سے قبل یقینا کھلی گمراہی میں تھے ‘‘۔

’’ (اے نبی)اور پڑھتے (اور سناتے) جاؤ اس وحی کو جو بھیجی گئی ہےتمہاری طرف تمہارے رب کی طرف سے، اس کی باتوں کو تبدیل نہیں کیا جا سکتا، (اگر آپ نے کسی کی خاطر اس میں کوئی کمی و بیشی کر دی تو) آپ اس کے سوا ہرگز کوئی پناہ گاہ نہیں پاسکو گے‘‘۔

’’ روشن دلائل اور الہامی کتابوں کے ساتھ اور ہم نے نازل کیا تمہاری طرف اس قرآن کو تاکہ تم کھول کر بیان کردو انسانوں کے لئے جو انکی طرف نازل کیا گیا ہے تاکہ وہ غور و فکر کریں ‘‘۔

’’اور غیب کی کنجیاں اُس کے پاس ہیں،اُن کو اُس کے سوا کوئی نہیں جانتا اور بر و بحر میں جو کچھ بھی ہے وہ اُسے جانتا ہے۔ اور کوئی پتا نہیں گرتا مگر اُسے اُس کا علم ہوتا ہے، اور زمین کے اندھیروں میں کوئی دانہ ہو یا کوئی تر یا خشک چیز سب ایک کھلی کتاب میں موجود ہے‘‘۔

’’ ( یاد رکھو ) اللہ مومنوں کو اس حالت میں نہیں چھوڑنے والا جس کہ تم اس وقت ہو جب تک کہ وہ ناپاک ( عناصر )کو پاک لوگوں سے الگ نہ کردے ،اور اللہ تمہیں غیب کی باتوں سے بھی مطلع نہیں کیا کرتا، البتہ وہ اپنے رسولوں میں جسے چاہتا ہے ( اس مقصد کے لئے ) منتخب کرلیتا ہے۔ ‘‘۔

’’یہ غیب کی خبریں ہیں جو ہم وحی کے ذریعے تمہارے پاس بھیج رہے ہیں۔ اور تم ان کے پاس نہیں تھے جب وہ ( بطور قرعہ اندازی) اپنے قلم ڈال رہے تھے ( یہ طے کرنے کے لئے) کہ مریم کا کفیل کون ہو اور تم ان کے پاس نہ تھے جب وہ جھگڑ رہے تھے‘‘۔

’’ اس دن (کا تصور کرو) جب کہ اللہ رسولوں کو جمع کرے گا، پھر ان سے کہے گا کہ تمہیں کیا جواب ملا تھا، وہ کہیں گے ہمیں کچھ علم نہیں، پوشیدہ باتوں کا تو ہی خوب جاننے والا ہے۔ ‘‘۔

’’ (ان سے) کہو”میں تم سے یہ نہیں کہتا کہ میرے پاس اللہ کے خزانے ہیں، اور نہ میں غیب جانتا ہوں اور نہ میں تم سے یہ کہتا ہوں کہ میں فرشتہ ہوں۔ میں تو صرف اس وحی کی پیروی کرتا ہوں جو میری طرف آتی ہے۔ کہو کہ کیا نابینا اور بینا برابر ہوتے ہیں! کیا تم فکر نہیں کرتے‘‘۔

’’پوچھتے ہیں آپ سے قیامت کے بارے میں کہ کب ہے اس کا واقع ہونا ، کہہ دیجیے درحقیقت اس کا علم تو میرے رب کے پاس ہے نہیں ظاہر کرتا اسے اس کے وقت پر مگر ۔ ۔‘‘۔

’’کہہ دیجیے نہیں میں اختیار رکھتا اپنی جان کے لیے کسی نفع کا اور نہ کسی نقصان کا مگر جو اللہ چاہے اور اگر میں جانتا ہوتا غیب کو یقینا میں حاصل کرلیتا بہت بھلائی سے اور نہ پہنچتی مجھے کبھی کوئی تکلیف نہیں ہوں میں مگر ایک ڈرانے والا اور خوشخبری دینے والا اس قوم کے لیے جو ایمان رکھتے ہیں‘‘۔

’’اور بعض ان میں سے جو تمہارے اردگرد دیہاتیوں میں سے منافق ہیں بعض اہل مدینہ میں سے بھی جو اڑے ہوئے ہیں نفاق پر، آپ نہیں جانتے انہیں ، ہم جانتے ہیں انہیں عنقریب ہم عذاب دیں گے انہیں دو مرتبہ پھر وہ لوٹائے جائیں گے بہت بڑے عذاب کی طرف‘‘۔

’’یہ غیب کی خبروں میں سے ہے جو ہم وحی کرتے ہیں انہیں آپ کی طرف، نہیں تھے آپ جانتے انہیں نہ آپ اور نہ آپ کی قوم اس سے قبل، تو آپ صبر کریں بیشک اچھا انجام متقین کے لیے ہے‘‘۔

’’ہم بیان کر رہے ہیں تمہارے سامنے (اے نبی ﷺ) بہترین قصّہ، اسی ذریعہ سے جس سے ہم نے وحی کیا ہے تم پر یہ قرآن اور اگرچہ تھے تم اس سے پہلے بالکل بے خبر‘‘ ۔

’کیا انہوں نے نہیں دیکھا کہ ان سے پہلے بہت سی قوموں کو ہم نے غارت کر دیا کہ وہ اب ان کی طرف لوٹ کر نہیں آئیں گی‘‘۔

’’اور کیا نہیں دیکھا ان لوگوں نے جنہوں نے کفر کیا کہ بیشک آسمان اور زمین دونوں تھے (آپس میں) ملے ہوئے تو ہم نے الگ کردیا ان دونوں کو اور ہم نے بنائی پانی سے ہر زندہ چیز تو کیا وہ ایمان نہیں لاتے ‘‘۔

’’اور (بھلا ) کیا انسان نے نہیں دیکھا (غور کیا ) کہ بیشک ہم نے اسے پیدا کیا ہے ایک قطرے سے تو اچانک وہ صریح جھگڑالو (بن بیٹھا ) ہے۔

’’اور رہے عاد تو انہوں نے تکبر کیا زمین میں ناحق اور انہوں نے کہا کون زیادہ سخت ہے ہم سے قوت میں اور(بھلا) کیا انہوں نے نہیں دیکھا کہ بیشک اللہ جس نے پیدا کیا انہیں وہ زیادہ سخت ہے ان سے قوت میں اور ہماری آیات کا وہ انکار کرتے تھے‘‘َ

’’ اور یہ کفار پُرزور انداز میں اللہ کی قسمیں کھا کر کہتے ہیں کہ اگر ان کے پاس کوئی نشانی آجائے تو وہ ضروراس پر ایمان لے آئیں گے۔ کہہ دو کہ نشانیاں تو اللہ ہی کے پاس ہیں،اور (اے ایمان والو! )تمہیں کیسے سمجھایا جائے کہ اگر نشانیاں آ بھی جائیں تو بھی یہ ایمان نہیں لائیں گے ‘‘۔

’’اور بلاشبہ یقینا ہم نے بھیجے کئی رسول آپ سے پہلے اور ہم نے بنائیں ان کے لیے بیویاں اور اولاد اور نہیں ہے کسی رسول کے لیے ممکن کہ وہ لے آئے کوئی نشانی مگر اللہ کے حکم سے ہر چیز کے مقرر وقت کو لکھا ہوا ہے‘‘۔

’’ کہا ! ان سے ان کے رسولوں نے کہ واقعی نہیں ہیں ہم مگر آدمی تمہاری طرح کے، لیکن اللہ نوازتا ہے جس کو چاہے اپنے بندوں میں سے اور نہیں ہے اختیار میں ہمارے لئے کہ لا دیں تمہیں کوئی سند مگر اللہ کے اذن سے۔ اور اللہ ہی پر چاہیے کہ بھروسہ کریں اہل ایمان‘‘۔

’’اوراُنہوں نے کہا کیوں نہیں اُتاری گئیں اس پر نشانیاں (یعنی معجزات) اُسکے رب کی طرف سے، کہہ دیجیے نشانیاں تو بیشک صرف اللّٰہ کے پاس ہیں اور بیشک میں (تو) صرف ایک واضح ڈرانے والا ہوں ‘‘۔

’’اور بلاشبہ بھیجے ہم نے رسول تم سے پہلے، کچھ ان میں سے ایسے ہیں جن کے حالات بیان کیے ہیں ہم نے تم سے اور بعض ان میں سے ایسے ہیں جن کے حالات نہیں بتائے ہم نے تم کو۔ اور نہیں ہے کسی رسول کے اختیار میں کہ لائے کوئی معجزہ بغیر اللہ کے اذن کے۔ پھر جب آجاتا ہے اللہ کا حکم تو فیصلہ کردیا جاتا ہے حق کے مطابق اور خسارے میں پڑجاتے ہیں اس وقت غلط کار لوگ‘‘۔

’’اس موقعہ پر زکریا نے اپنے رب سےدعا کی :اے میرے مالک ! عطا کر مجھے اپنی قدرت خاص سے اولاد پاکیزہ ،بے شک تو ہے ہر ایک کی دعا سننے والا ‘‘۔

’’ کہا (موسی نے) اے میرے رب ! بیشک میں نہیں اختیار رکھتا مگر اپنے نفس کا اور اپنے بھائی کا پس جدائی ڈال دے ہمارے درمیان اور فاسق قوم کے درمیان‘‘۔

’’(زکریا ؑ) جب اس نے پکارا تھا اپنے رب کو چپکے چپکے۔ اس نے عرض کیا تھا : اے میرے مالک ! بیشک گھل گئی ہیں ہڈیاں میری اور بھڑک اٹھا ہے میرا سر بڑھاپے کی سفیدی سے اور نہیں رہا میں تجھ سے دعا مانگ کر اے میرے مالک کبھی نامراد۔ اور بیشک مجھے سخت ڈر ہے اپنے بھائی بندوں سے اپنے پیچھے اور ہے میری بیوی بانجھ سو عطا کر دے تو مجھے اپنے فضلِ خاص سے ایک بیٹا۔ جو وارث بنے میرا اور میراث پائے آل یعقوب سے اور بنا تو اسے اے میرے مالک ! پسندیدہ (انسان) ‘‘۔

’’کہا (موسیٰ (علیہ السلام) نے ) اے میرے رب کھول دے میرے لیے میرا سینہ‘‘۔

’’اور (یاد کرو قصّہ) ایوب کا جب پکارا تھا اس نے اپنے رب کو، بیشک مجھے لگ گئی ہے بیماری حالانکہ تو سب رحم کرنے والوں سے بڑھ کر رحم کرنے والا ہے‘‘۔

’’اور (یاد کرو قصّہ) مچھلی والے کا جب چلے گئے تھے وہ ناراض ہو کر اور انہیں خیال ہوا تھا کہ نہ گرفت کریں گے ہم اس پر آخر کار پکارا وہ اندھیروں میں کہ نہیں ہے کوئی معبود سوائے تیرے، پاک ہے تیری ذات، بیشک میں ہی تھا قصور وار‘‘۔

’’پس ( نوح ) نے دعا کی اپنے رب سے ، بیشک میں مغلوب ہو گیا ہوں ، میری مدد فرما‘‘۔

’’( اے نبی )ان سے کہیے کہ میں تو بس پکارتا ہوں اپنے رب کو اور نہیں شریک بناتا میں اس کے ساتھ کسی کو‘‘۔

’’لوگ ایک ہی امت تھے ، پھر اللہ تعالٰی نے انبیاء کو خوشخبری سنانے اور ڈرانے والا بنا کر بھیجا اور ان کے ساتھ کتاب برحق نازل فرمائی تاکہ وہ لوگوں کے درمیان ان امور کا فیصلہ کریں جن میں انہوں نے باہم اختلاف کیا-۔ ۔ ‘‘

’’(اے نبی!) ان کی ہدایت تمہارے ذمہ نہیں ، بلکہ ہدایت تو اللہ جسے چاہتا ہے دیتا ہے ۔ ۔ ‘‘۔

’’ (اے نبی !) اگر یہ لوگ تم سے جھگڑا کریں تو ان سے کہہ دو کہ میں نے اور میری پیروی کرنے والوں نے تو اللہ کے آگے سر اطاعت جھکا دیا ہے۔ ان اہل کتاب اور ان پڑھ لوگوں سے کہو کہ کیا تم بھی اس کے مطیع فرمان (مسلم) بنتے ہو ؟ اگر یہ مسلم ہو گئے تو یقیناً ہدایت پا گئے اور اگر روگردانی کریں تو تم پر تو محض (پیغام) پہنچانے کی ذمہ داری ہے، اور اللہ بندوں کو خوب دیکھ رہا ہے‘‘۔

’’ ( تمام) رسولوں کو ( اللہ نے ) خوشخبری سنانے والا اور ڈرانے والا ( بنا کر بھیجا تھا ) ،تاکہ رسولوں کے آنے کے بعد لوگوں کے لئے اللہ حجت نہ رہے اور اللہ غالب حکمت والا ہے‘‘۔

’’رسول پر (پیغام) پہنچا دینے ہی کی ذمہ داری ہے اور اللہ جانتا ہے جو کچھ تم ظاہر کرتے اور جو کچھ چھپاتے ہو‘‘۔

’’اور اگر اللہ کی مشیت یہی ہے کہ تمہیں ہلاک کرے تو میں کتنا ہی نصیحت کرنا چاہوں میری نصیحت کچھ سود مند نہ ہوگی وہی تمہارا پروردگار ہے، اسی کی طرف تمہیں لوٹنا ہے‘‘۔

’’اگر تم حریص ہو ان کی ہدایت کے لیے تو بھی بیشک اللہ نہیں ہدایت دیا کرتا اس شخص کو جسے اس نے گمراہ کردیا اور نہ ہوگا ان کا کوئی مددگار بھی‘‘۔

’’بلا شبہ تم (اے نبی) نہیں ہدایت دے سکتے جسے چاہو لیکن اللہ ہدایت دیتا ہے جس کو چاہتا ہے اور وہ خوب جانتا ہے ہدایت پانے والوں کو‘‘۔

’’ابوہریرہ ؓ روایت ہے کہ رسول اللہ ﷺ نے اپنے چچا ( ابو طالب ) سے ان کی موت کے وقت فرمایا لَا اِلٰہ اِلَّا اللہ کہہ دو میں قیامت کے دن اس کی گواہی دے دوں گا ابوطالب نے انکار کردیا اس پر اللہ تعالیٰ نے آیت نازل فرمائی: (اِنَّكَ لَا تَهْدِيْ مَنْ اَحْبَبْتَ وَلٰكِنَّ اللّٰهَ يَهْدِيْ مَنْ يَّشَا ءُ وَهُوَ اَعْلَمُ بِالْمُهْتَدِيْنَ ) ۔ القصص : 56‘‘۔

’’عائشہ ؓ فرماتی ہیں کہ جب آیت نازل ہوئی اور اپنے قریبی رشتہ داروں کو ڈارئیے، تو رسول اللہ ﷺکوہ صفا پر کھڑے ہوئے اور فرمایا اے فاطمہ محمد کی بیٹی ،اے صفیہ عبدالمطلب کی بیٹی، اے میری پھوپھی اے عبدالمطلب کی اولاد میں اللہ کے سامنے تمہارے بارے میں کسی چیز کا اختیار نہیں رکھتا البتہ یہاں میرے مال میں سے جو چاہو لے لو۔‘‘

’’ نبی ﷺ نے فرمایا: ہر نبی کر لئے ایک دعا ہوتی ہے جو ضرور قبول کی جاتی ہے تو ہر نبی نے جلدی کی کہ اپنی اس دعا کو مانگ لیا ہے اور میں نے اپنی دعا کو قیامت کے دن اپنی امت کی شفاعت کے لئے سنبھال رکھا ہے اور اگر اللہ نے چاہا تو میری شفاعت میری امت کے ہر اس آدمی کے لئے ہوگی جو اس حال میں مرگیا کہ اس نے اللہ کے ساتھ کسی کو شریک نہیں ٹھہرایا ہو۔

’’ ۔ ۔ حقیقت یہ ہے کہ جس کسی نے اللہ کے ساتھ شرک کیا تو اللہ نے اس پر جنت حرام کر دی ہے اور اس کا ٹھکانہ جہنم ہو گا اور ظالموں کا کوئی مددگار نہ ہو گا ‘‘۔

’’ جو لوگ اللہ اور اس کے رسولوں کا کفر کرتے ہیں اور اللہ اور اس کے رسولوں میں تفریق کرنا چاہتے ہیں اور کہتے ہیں کہ ہم بعض پر ایمان لاتے ہیں اور بعض کا انکار کرتے ہیں اور چاہتے ہیں کہ اس کے درمیان کی راہ نکالیں‘‘۔

’’اے ایمان والو ! ایمان لاؤ اللہ پر اور اس کے رسول پر اور اس کتاب پر جو اس نے اپنے رسول پر نازل کی ہے اور اس کتاب پر جو اس نے پہلے نازل کی تھی۔ اور جس نے اللہ ، اس کے فرشتوں ، اس کی کتابوں، اس کے رسولوں اور روز قیامت کا انکار کیا تو وہ گمراہی میں دور جا پڑا‘‘۔

’’ اور ہم نےجو بھی رسول بھیجا ہے تو اسی لئے کہ اللہ کے حکم کے مطابق اس کی اطاعت کی جائے ۔ ۔ ۔ ‘‘۔

’’ تم کہہ دو کہ اطاعت کرو اللہ اور رسول کی، پھر اگر وہ روگردانی کریں تو اللہ کافروں سے محبت نہیں کرتا۔‘‘

’’اور جو اللہ اور اس کے رسول کی نافرمانی کرے گااور اللہ کی حدود سے آگے نکل جائے گا ، اللہ اسے آگ میں ڈال دے گا ، اس میں وہ ہمیشہ رہے گا اور اس کے لئے رسو کن عذاب ہے ‘‘۔

’’اور جو کوئی ( راہ ) ہدایت واضح ہو جانے کے بعد بھی رسول کی مخالفت کرے گا اور مومنوں کے راستے کو چھوڑ کر دوسرے راستے کی پیروی کرے گا تو ہم اسے اسی طرف پھر دیں گے

جس طرف اس نے رخ کرلیا ہے اور ( بلآخر ) واصل جہنم کردیں گے اور وہ بہت ہی برا ٹھکانہ ہے ‘‘۔

’’پس ( اے نبی ) تیرے رب کی قسم !یہ مومن ہو ہی نہیں ہوسکتےجب تک کہ اپنے باہمی تنازعات میں تمہیں حکم ( منصف)نہ بنائیں ، پھر تمہارے کئے ہوئے فیصلے پر اپنے دلوں میں کوئی تنگی نہ محسوس کریں اور اس فیصلے کو تسلیم و رضا سے قبول کرلیں ‘‘۔

’’ جس نے رسول کی اطاعت کی اس نے اللہ کی اطاعت کی ، اور جس نے رو گردانی کی تو ہم نے تمہیں ان پر نگراں بناکر تو نہیں بھیجا ‘‘۔

’’ اور جو بھی اللہ اور اس کے رسول کی اطاعت کرے گا، تو ایسے ہی لوگ اُن کیساتھ ہوں گے جن پر اللہ نے انعام کیا ہے ( یعنی ) انبیاء ، صدقین ، شہداء اور صالحین اور یہ نہایت عمدہ ساتھی ہیں‘‘۔

’’اور جو اللہ اور اس کے رسول پر ایمان لے آئے وہی لوگ اپنے رب کے نزدیک سچے اور گواہی دینے والے ہیں ان کے لیے ان کا اجر اور ان کا نور ہوگا اور جن لوگوں نے کفر کیا اور ہماری آیات کو جھٹلایا ہے وہ لوگ جہنمی ہیں ‘‘۔

“ابوہریرہ ؓ سے روایت کرتے ہیں کہ رسول اللہ ﷺ نے فرمایا کہ میری تمام امت جنت میں داخل ہو گی۔ سوا ئے اس کے جو انکار کرے، لوگوں نے عرض کیا یا رسول اللہ صلی اللہ علیہ و سلم اور کون انکار کرے گا، کہ جس نے میرے اطاعت کی وہ جنت میں داخل ہوگا اور جس نے میری نافرمانی کی تو اس نے انکار کیا‘‘۔

’’عائشہ رضی اللہ تعالیٰ عنہا سے روایت کرتے ہیں انہوں نے بیان کیا کہ رسول اللہ صلی اللہ علیہ وسلم نے فرمایا کہ جس نے ہمارے دین میں کوئی ایسی نئی بات نکالی جو دین میں سے نہیں ہے تو وہ مردود ہے(یعنی اس کا عمل نامقبول ہے ).”

“جابر ؓ سے روایت ہے کہ رسول اللہ ﷺ نے حمد و ثناءکے بعد فرمایا کہ بہترین کہی ہوہی بات اللہ کی بات ہے اور بہترین راہ رسول اللہﷺ کی ہے اور بدترین چیز بدعت ہے۔ ہر بدعت گمراہی ہے .(نسائی میں یہ الفاظ بھی ہیں کہ ہر گمراہی کا انجام جہنم ہے ).”

’’ (اے نبی) ان سے کہو کہ اگر تم اللہ سے محبت کرتے ہو تو میری پیروی کرو ، اللہ تم سے محبت کرے گا، اور تمہارے گناہ معاف کر دے گا اور اللہ بہت مغفرت کرنے والا، رحم کرنے والا ہے‘‘۔

’’اور نہیں بولتا ہے وہ اپنی خواہش نفس سے۔ یہ تو وہ ہے جو ان پر وحی کی جاتی ہے‘‘۔

’’عبد الرحمن بن ابی لیلیٰ ، نبی ﷺ سے روایت کرتے ہیں کہ آپ نے فرمایا : ” جس نے تعویذلٹکایا اور ڈوراباندھا تو یہ شرک کے ایک عمل پر ہے۔‘‘

’’عقبہ بن عامر ؓ سے مروی ہے کہ ایک مرتبہ نبیﷺکی خدمت میں (دس آدمیوں کا) ایک وفد حاضر ہوا، نبیﷺنے ان میں سے نو آدمیوں کو بیعت کرلیا اور ایک سے ہاتھ روک لیا، انہوں نے پوچھا یا رسول اللہ ! (صلی اللہ علیہ وآلہ وسلم) آپ نے نو کو بیعت کرلیا اور اس شخص کو چھوڑ دیا ؟ نبی ﷺ نے فرمایا اس نے تعویذ پہن رکھا ہے، یہ سن کر اس نے گریبان میں ہاتھ ڈال کر اس تعویذ کو ٹکڑے ٹکڑے کردیا اور نبی ﷺنے اس سے بھی بیعت لے لی اور فرمایا جس نے تعویذ لٹکایا اس نے شرک کیا۔‘‘

’’ عبد اللہ بن مسعود ؓ نے اپنی زوجہ کے گلے میں ایک دھاگہ دیکھا سرخ باوا کے لئے، تو انہوں نے وہ توڑ ڈالا، پھر فرمایا: عبد اللہ کےگھر والے شرک سے بے خبر ہیں، اور فرمایا جو ہم نے

سنا نبی ﷺ سے کہ دم ، تعویذ اور تولہ ( محبت کا تعویذ ) سب شرک ہیں ‘‘۔ ( بعد میں غیر مشرکانہ الفاظ والے دم کی اجازت دے گئی )

’’عبد الرحمن بن شبلؓ سے روایت ہے کہ نبی ﷺ نے فرمایا قرآن پڑھو اور اس میں غلو نہ کرو اور اس سے اعراض نہ کرو اس کو ذریعہ معاش نہ بناؤ اور نہ ہی اس سے بہت سے دنیاوی فائدے حاصل کرو۔‘‘

’ سہل بن سعد بن ساعدی ؓ سے روایت ہے کہ ایک دن رسول اﷲﷺہمارے پاس تشریف لاۓ اس حال میں کہ ہم قرآن کی تلاوت کر رہے تھے یہ دیکھ کر آپؐ نے فرمایا الحمدﷲ کتاب اﷲ پڑھنے والے سرخ بھی ہیں‛ سفید بھی ہیں‛ کالے بھی ہیں قرآن پڑھو عنقریب ایسی قومیں آئیں گی جو قرآن کے زیرزبر کو ایسے سیدھا کریں گی جیسے تیر کو سیدھا کیا جاتا ہے لیکن قرآن کے اجر میں جلدی کریں گی اور اس کو آخرت پر نہ رکھیں گی ۔‘‘

’’ عثمان بن ابی العاصؓ سے روایت ہے کہ میں نے عرض کیا یا رسول اللہ ﷺ مجھے اپنی قوم کا امام بنا دیجئے آپ ؐ نے فرمایا (ٹھیک ہے) تم ان کے امام ہو لیکن کمزور مقتدیوں کا خیال رکھنا۔ اور مؤذن ایسا شخص مقرر کرنا جو اذان پر اجرت نہ لے۔‘‘

’’ عبادہ بن صامت سے روایت ہے کہ وہ فرماتے ہیں کہ میں نے اہل صفہ کے کچھ لوگوں کو قرآن مجید اور کتاب اللہ کی تعلیم دی ان میں سے ایک شخص نے مجھے ایک کمان ہدیہ دی۔ میں نے کہا کہ اس کی مالیت تو کچھ نہیں اور میں اس سے اللہ کی راہ میں تیر اندازی کروں گا (مقصد یہ کہ اس ہدیہ کے قبول کرنے کا خیال تھا اس واسطے کہ اس کی مالیت تو کچھ خاص نہیں تھی کہ اس کو تعلیم کا معاوضہ خیال کرتا اور نیت یہ تھی کہ اس کے ذریعہ اللہ کے راستہ میں تیر اندازی کروں گا) میں اس کے بارے میں رسول اللہﷺ کے پاس جاؤں گا اور سوال کروں گا، چنانچہ میں نبی ﷺ کے پاس گیا اور کہا کہ یا رسول ﷺایک آدمی نے مجھے کمان ہدیہ کی ہے ان میں سے کہ جنہیں کتاب اللہ اور قرآن کی تعلیم دیتا ہوں اور اس کمان کی کچھ مالیت بھی نہیں ہے اور اس کے ذریعہ میں اللہ کے راستہ میں تیر اندازی کروں گا، نبیﷺ نے فرمایا کہ اگر تجھے یہ بات پسند ہے کہ تیرے گلے میں آگ کا طوق ڈالا جائے تو اسے قبول کر لے۔‘‘

’’سعید بن یسار سے روایت ہے کہ نبیﷺ نے فرمایا کہ جس شخص نے وہ علم کہ جس سے اللہ تبارک تعالیٰ کی خوشنودی حاصل کی جاتی ہے اس لئے سیکھا کہ اس کے ذریعہ اسے دنیا کا کچھ مال و متاع مل جائے تو ایسا شخص جنت کی خوشبو کو بھی نہیں پا سکے گا قیامت کے دن۔ ‘‘

’’عائشہ ؓ روایت کرتی ہیں کہ ام حبیبہ ؓ اور ام سلمہ ؓنے ایک گرجا، حبش دیکھا تھا، اس میں تصویریں تھیں، انہوں نے نبیﷺ سے اس کا ذکر کیا آپ نے فرمایا کہ ان لوگوں میں جب کوئی نیک مرد ہوتا اور وہ مرجاتا تو اس کی قبر پر عبادت گاہ بنا لیتے اور اس میں یہ تصویریں بنا دیتے، یہ لوگ اللہ کے نزدیک قیامت کے دن بدترین خلق ہوں گے‘‘۔

’’عائشہ ؓ سے روایت کرتی ہیں کہ آپ (صلی اللہ علیہ وآلہ وسلم) نے جس مرض میں وفات پائی، اس میں فرمایا کہ اللہ یہود و نصاری پر لعنت کرے انہوں نے اپنے انبیاء کی قبروں کوعبادت گاہ بنالیا۔ عائشہ ؓنے بیان کیا کہ اگر ایسا نہ ہوتا تو آپ کی قبر ظاہر کردی جاتی، مگر مجھے ڈر ہے کہ کہیں عبادت گاہ نہ بنالی جائے‘‘۔

’’جندب ؓ فرماتے ہیں کہ میں نے رسول اللہ ﷺ سے آپ کے وصال سے پانچ دن پہلے سنا۔ آپ فرما رہے تھے کہ میں اللہ تعالیٰ کے سامنے اس چیز سے بری ہوں کہ تم میں سے کسی کو اپنا دوست بناؤں کیونکہ اللہ تعالیٰ نے مجھے اپنا خلیل بنایا ہے جیسا کہ ابراہیم (علیہ السلام) کو خلیل بنایا تھا اور اگر میں اپنی امت سے کسی کو اپنا خلیل بناتا تو ابوبکرؓ کو بناتا آگاہ ہوجاؤ کہ تم سے پہلے لوگوں نے اپنے نبیوں اور نیک لوگوں کی قبروں کو عبادت گاہ بنا لیا تھا تم قبروں کو عبادت گاہ نہ بنانا میں تمہیں اس سے روکتا ہوں‘‘۔

’’عائشہ ؓ اور عبداللہ بن عباس ؓ دونوں روایت کرتے ہیں کہ جب رسول اللہﷺ کو (وفات کی) بیماری لاحق ہوئی، تو آپ اپنی چادر بار بار اپنے منہ پر ڈالتے تھے، جب اس سے آپ کو گرمی معلوم ہوتی، تو اس کو اپنے چہرے سے ہٹا دیتے، اسی حالت میں آپ نے فرمایا کہ یہود و نصاری پر اللہ کی لعنت ہو، انہوں نے اپنے نبیوں کی قبروں کو سجدہ گاہ بنا لیا، آپ ان کےاس فعل سے منع فرماتے تھے‘‘۔

’’جابر ؓ سے روایت ہے کہ نبی ﷺ نے منع فرمایا ہے کہ قبر کو پکا کیا جائے، اس پر ( مجاور بنکر ) بیٹھا جائے، اور اس پر کوئی عمارت بنائی جائے‘‘۔

’’ ابو لھیاج اسدی کہتے ہیں کہ مجھ سے علیؓ بن ابی طالب نے کہا کہ کیا میں تمہیں اس کام کے لئے نہیں بھیجوں جس کے لئے مجھے نبی ﷺ نے بھیجا تھا کہ کوئی تماثیل نہ چھوڑی جائے کہ اسے ختم کردیا جائے، اور قبر نہ چھوڑی جائے کہ اسے زمین کے برابر کردیا جائے‘‘۔

’’ ثمامہ بن شقی کہتے ہیں کہ ہم روم میں فضالۃ بن عبید ؓ کیساتھ تھے، ہمارے ایک ساتھی کی وفات ہو گئی، تو فضالہؓ نے ہمیں حکم دیا کہ قبر برابر کردی جائے اور فرمایا کہ میں نے سنا رسول اللہ ﷺ کو حکم دیتے ہوئے قبر کو برابر کردینے کا ‘‘۔

’’عائشہ ؓ سے روایت کرتے ہیں انہوں نے بیان کیا کہ انہوں نے ایک تکیہ خریدا جس پر تصویریں تھیں جب رسول اللہ ﷺ نے اس کو دیکھا تو دروازے پر کھڑے ہوگئے اندر نہیں گئے میں نےرسول اللہ ﷺ کے چہرے پر ناگواری کے اثرات پائے میں نے عرض کیا یا رسول اللہﷺ ! میں اللہ اور اس کے رسول کی خدمت میں توبہ کرتی ہوں میں نے کون سا قصور کیا ہے ؟ رسول اللہ ﷺنے فرمایا یہ تکیہ کیسا ہے میں نے عرض کیا کہ میں نے اس کو خریدا ہے تاکہ آپ اس پر بیٹھیں اور تکیہ لگائیں رسول اللہ ﷺ نے فرمایا کہ ان تصویروں کے بنانے والے قیامت کے دن عذاب میں مبتلا کئے جائیں گے اور ان سے کہا جائے گا کہ جو تم نے بنایا ہے اس میں جان ڈالو اور فرمایا کہ جس گھر میں تصویریں ہوتی ہیں وہاں فرشتے داخل نہیں ہوتے‘‘۔

’’مسلم کہتے ہیں کہ ہم مسروق کے ساتھ یسار بن نمیر کے گھر میں تھے، تو مسروق نے ان کے گھر میں مجسمے دیکھے تو انہوں نے کہا کہ میں نے عبداللہ کو بیان کرتے ہوئے سنا کہ نبی ﷺ فرماتے تھے کہ قیامت کے دن اللہ کے نزدیک سب سے زیادہ عذاب تصویریں بنانے والوں کو ہوگا‘‘۔

’’ عائشہ ؓ کہتی ہیں کہ رسول اللہ ﷺ اپنے گھر میں کوئی ایسی چیز نہیں چھوڑتے تھے جس میں تصویریں ہوتی تھیں، بلکہ ایسی چیزوں کو چکنا چور کردیتے تھے‘‘۔

’’سعید بن ابی الحسن سے روایت کرتے ہیں انہوں نے بیان کیا کہ میں ابن عباس ؓ کے پاس تھا ان کے پاس ایک شخص آیا اور کہا کہ میں ایسا ہوں کہ میرا ذریعہ معاش میرے ہاتھ کی صنعت ہے اور میں یہ تصویریں بناتا ہوں تو ابن عباس نے اس سے کہا میں تجھ سے وہی چیز بیان کروں گا جو میں نے رسول اللہ ﷺسے سنی ہے میں نے آپ کو فرماتے ہوئے سنا کہ جس نے کسی چیز کی تصویر بنائی تو اللہ تعالیٰ اس کو عذاب دیتا رہے گا یہاں تک کہ وہ اس میں جان نہ ڈال سکے گا اس شخص نے بہت ٹھنڈی سانس لی اور اس کا چہرہ زرد ہوگیا تو ابن عباس ؓنے کہا کہ تیرا برا ہو اگر تو تصویریں ہی بنانا چاہتا ہے تو ان درختوں کی جن میں جان نہیں ہوتی تصویریں بنایا کر ‘‘۔

’’ ابوہریرہ ؓ سے روایت ہے کہ رسول اللہ ﷺنے فرمایا کہ سات ہلاکت میں ڈال دینے والی چیزوں سے بچو، عرض کیا گیا اے اللہ کے رسول ﷺ وہ سات ہلاک کرنے والی چیزیں کونسی ہیں ؟ آپ

نے فرمایا : اللہ کے ساتھ کسی کو شریک ٹھہرانا اور جادو کرنا اور کسی نفس کا قتل کرنا جسے اللہ نے حرام کیا سوائے حق کے اور یتیم کا مال کھانا، سود کھانا، جہادمیں دشمن کے مقابلہ سے بھاگنا اور پاکدامن عورتوں پر بدکاری کی تہمت لگانا‘‘۔

’’جابر ؓ سے روایت ہے کہ رسول اللہ (صلی اللہ علیہ وآلہ وسلم) نے سود کھانے والے اور کھلانے والے، سود لکھنے والے اور اس کی گواہی دینے والوں پر لعنت فرمائی اور ارشاد فرمایا یہ سب گناہ میں برابر شریک ہیں‘‘۔

’’ جب بھی تم سوال کرو تو اللہ سے کرو اور جب بھی مدد مانگو تو اللہ سے مانگو ‘‘۔

’’ جس نے میری سنت سے منہ موڑا وہ مجھ سے نہیں ‘‘